Ҳуқуқлари “Наполи”га тегишли бўлган “Галатасарой” ҳужумчиси Виктор Осимхен А Серияга қайтиши мумкин.
Нигериялик футболчи жорий мавсум охиригача турк клубига ижарага берилган. Форвард ёзда қаерда бўлиши ҳозирча аниқ эмас, аммо унга турли клублар томонидан қизиқиш ҳақида гап-сўзлар анчадан бери давом этмоқда.
Журналист Себастиано Сарно хабарига кўра, 26 ёшли футболчи "Ювентус"га ўтиш вариантини маъқуллайди.
Потенциал трансфер қиймати 70-75 миллион еврога баҳоланмоқда. Агар Турин клуби Душан Влаҳовични сотса, келишув амалга ошиши мумкин.
