"Барселона" якшанба куни "Алавес"ни Роберт Левандовскининг голи эвазига 1:0 ҳисобида мағлуб этди. Ўйиндан сўнг польяк ўз фикрини билдирди.
"Ўйиндан олдин биз ғалаба қозонишимиз кераклигини билардик. Биз пешқадамдан ортда қоляпмиз, бундай вазиятда энг муҳими ғалаба эди. Биз ғалаба қозонишимиз, кейин эса турнир жадвалига қарашимиз керак эди.
Ҳар доим ҳам 3-4-5 гол ура олмаймиз. Баъзида шунчаки ҳимояланадиган жамоаларга қарши ўйнашга тўғри келади, аммо бу футбол. Биз сабр билан ўйнадик ва рақибимиздан битта гол кўп ура олдик. Биз бахтлимиз", - дея Левандовски сўзларини келтиради Marca.
