Нидерландия чемпионатининг 21-тури ўтказилди, Амстердамнинг “Аякс” клуби ўз майдонида Роттердамнинг “Фейеноорд” клубини қабул қилди ва 2:1 ҳисобида ғалаба қозонишга муваффақ бўлди.
Мағлубиятга учраганига қарамай, "Фейеноорд" бу ўйинда клуб рекордини ўрнатишга муваффақ бўлди.
Якуб Модер клубга қўшилди ва "Фейеноорд" жорий мавсумда фойдаланган ўттиз иккинчи футболчига айланди.
Бу "Фейеноорд" учун Нидерландия чемпионатида бир мавсум давомида клуб сафида ўйнаган футболчилар сони бўйича мутлақ рекорддир.
Эслатиб ўтамиз, жамоа ҳозирда Эредивизия турнир жадвалида бешинчи ўринни эгаллаб турибди.
