4 февраль куни "Пахтакор" Қатарда "Ал-Ғарафа"га қарши Элит Чемпионлар Лигаси 7-тур ўйинида майдонга тушади.

Ушбу рақиб билан барча ўйинлар Осиё Чемпионлар Лигаси доирасида кузатилган. 2002 йил 3-саралаш раундида Дохада 3:4 ҳисобида мағлуб бўлган "Шерлар" Тошкентда рақибни 3:0 ҳисобида доғда қолдиришган. 2008 йил гуруҳ босқичида эса сафарда 2:2 натижаси қайд этилган. Тошкентда "Пахтакор" яна рақибдан кучлироқ эканини исботлаган - 2:0.

2010 йил нимчорак финалда "Ғарафа" 1:0 ҳисобида ғалаба қозонган. 2018 йил плей-оффда ҳам ўз уйида рақиб 2:1 ҳисобида зафар қучган. Ҳозирча ўзаро тўқнашувларда 2 ғалаба, 1 дуранг ҳамда 3 мағлубият кузатилган. Голлар уриш бўйича устунлик биз томонда, 11-9.

“Пахтакор”нинг Қатарнинг 6 клубига қарши жами 19 учрашувда майдонга тушган. “Ғарафа” билан энг кўп дуч келган – 6 бор. "Садд" ва "Духайл" билан тўрт мартадан, “Қатар” СК ва “Араби” билан иккитадан, "Райян" билан бир учрашув ўтказилган. Бу ўйинларда 5 ғалаба, 5 дуранг ва 9 мағлубият кузатилган. Рақиблар дарвозалари 26 марта ишғол қилиниб, 30 тўп ўтказиб юборилган.

"Ал-Ғарафа" ва "Пахтакор" жамоалари ўртасидаги ўйин 4 февраль, сешанба куни Тошкент вақти билан соат 21:00да бошланади.

Қуйида ”Пахтакор” билан тўқнаш келган Қатар клублари ва натижалар акс этган.

“Ал-Ғарафа” - 3:0, 3:4, 2:2, 2:0, 0:1, 1:2
“Қатар” СК - 1:0, 0:0
“Ал Садд” - 1:1, 1:2, 2:2, 1:2
“Ал Араби” - 3:1, 1:0
“Духайл” - 1:3, 2:2, 2:3, 0:3
"Райян" - 0:1.