Криштиану Роналду чоршанба куни 40 ёшга тўлади. Бироқ “Ан-Наср”нинг юлдуз ҳужумчисида мотивация борасида ҳеч қандай муаммо йўқ.
"Мен ҳали ҳам машқ қилиш ва ўйнашни хоҳлаб уйғонаман. Балки истак аввалгидан бироз камроқдир, лекин менинг иштиёқим ҳали ҳам мавжуд. Мен қилаётган ишимдан завқланаман. Сизнингча, мен ҳар куни спорт залига боришни хоҳлайманми? Йўқ. Мен ҳар куни машқ қилишни хоҳлайманми? Йўқ, лекин мажбурият бор. Шунинг учун мен бориб машғулот ўтказаман", - деди Роналду.
Криштиану Роналдунинг амалдаги меҳнат шартномаси уни "Ан-Наср" билан 2024/2025 йилги мавсум охиригача боғлайди.













