Римнинг “Лацио” клуби “Верона”нинг таянч ярим ҳимоячиси учун 10 миллион евро сарфлади, клуб Реда Белахьянни ўз сафига қўшиб олди.

Шартнома муддати ҳозирча ошкор этилмаган. "Бургутлар"нинг янги футболчиси 20 ёшда, келиб чиқиши марокашлик бўлган француз бир йил аввал ўзининг туғилган жойи "Ницца"дан "Верона"га келган.

Боз устига, ўшанда "Верона" клуби унинг учун атиги 500 минг евро тўлаганди. Жорий мавсумда Белахьянь А Серияда “Верона” сафида 22 та ўйин ўтказиб, 2 та голли узатмани амалга оширди.

“Бургутлар”нинг янги футболчисининг асосий роли ҳимоявий ярим ҳимоячи, лекин баъзида у юқорига – марказга кўтарилиши мумкин.