"Реал Мадрид" академиясининг икки нафар тарбияланувчиси бўлажак ўйинларда ҳимоя марказида тўп тепади.
Бугун Давид Алаба сон жароҳати туфайли 2-3 ҳафтага сафдан чиққани маълум бўлди. Антонио Рюдигер аввалроқ жароҳат олган эди ва у 20 кунгача сафдан чиқди.
«Marca» хабарига кўра, Рауль Асенсио "Реал"нинг "Леганес" ва "Атлетико"га қарши ўйинларда асосий таркибида майдонга тушиши мумкин. Хакобо Рамон эртанги Испания кубоги ўйинида майдонга тушади - агар муваффақият қозонса, 20 ёшли ҳимоячи шанба кунги дербида асосий таркибда майдонга тушади.
Қайд этилишича, бир қатор ўйинларда "Реал" ҳимояси марказида тўп тепган Орельен Тчуамени кейинги ўйинларда бу позицияда қўлланилиши даргумон. "Атлетико" билан дербида француз ярим ҳимояда ўйнаши мумкин.
