"Милан"нинг собиқ ҳимоячиси Алессандро Костакурта клубнинг янги хариди ҳақида ўз фикри билан ўртоқлашди.
"Фейеноорд"да порлаган мексикалик ёш ҳужумчи Сантьяго Хименес жамоага ўтмоқда. Костакурта Хименесга юқори баҳо берди.
"У классик марказий ҳужумчи, у ҳамма нарсани қила олади ва ҳимояни мустаҳкамлайди. Унинг бу ўзига хос хусусияти менга доим ёққан.
Мен уни анчадан бери кузатиб келаман, у жарима майдонини жуда яхши тушунади. Менимча, бу "Милан" учун яхши харид", - дея Костакуртанинг сўзларини келтиради pianetamilan.it.
