"Барселона" ярим ҳимоячиси Френки де Йонгга Саудия Арабистони чемпионати вакиллари қизиқиш билдирмоқда.

Нидерландиялик футболчи ҳалигача "кўк-анорранглилар" билан шартномани узайтириш борасида келишувга эришгани йўқ - амалдаги келишув 2026 йилнинг ўрталарида тугайди. 

Diario Sport хабарига кўра, Саудия Арабистонининг номи ошкор этилмаган икки клуби аллақачон де Йонгнинг агентлари билан боғланишган, потенциал харидорлар "Барселона"га ёзги трансфер учун катта сумма таклиф қилишга тайёр эканликларини билдиришган, футболчининг ўзига эса ҳозирги маошини икки баробарга ошириш ваъда қилинган.

27 ёшли ярим ҳимоячи ҳали якуний қарорга келгани йўқ.