"Байер" спорт директори Симон Рольфес жамоа бош мураббийи Хаби Алонсо ва ҳужумкор ярим ҳимоячи Флориан Виртцнинг клубдаги келажаги ҳақидаги саволга жавоб берди.
"Биз келаси ёзда Хаби Алонсо ва Флориан Виртцни сақлаб қолиш учун барча имкониятларимиз бор деб ҳисоблаймиз. Уларнинг иккаласи ҳам амалдаги шартномаларга эга ва улар бу ерда ўзларини қулай ҳис қилишади.
Вирц учун янги шартнома? Биз баъзи тафсилотларга ойдинлик киритишимиз керак," - дея Рольфеснинг сўзларини келтиради «Sky Sport Germany».
Аввалроқ ОАВда Алонсо ва Виртц жорий мавсум якунида Мадриднинг "Реал" клубига ўтиши мумкинлиги ҳақида хабарлар тарқалган эди.
