"Манчестер Сити" қишки трансферлар вақтида тўрт нафар янги футболчини ўз сафига қўшиб олди.
Жамоа таркиби ҳимоячилар Витор Рейс ва Абдуқодир Хусанов, ярим ҳимоячи Нико Гонсалес ва вингер Омар Мармуш билан кенгайтирилди.
Чемпионлар лигаси қоидаларига кўра, умумий босқичдан сўнг ҳар бир жамоа плей-офф учун фақат учта янги ўйинчини рўйхатдан ўтказиши мумкин.
Натижада «Манчестер Сити»нинг янги ўйинчиларидан бири Чемпионлар лигасида иштирок эта олмайди. Хосеп Гвардиола муҳим якуний қарорни қабул қилиши керак.













