"Вулверхэмптон" жамоасининг бразилиялик ҳужумчиси Матеус Кунья ёзги трансфер ойнасида катта клубга ўтмоқчи.
Маълумотларга кўра, ушбу қишда футболчига қизиқиш билдирган "Арсенал", "Астон Вилла" ва "Ноттингем Форест" ёзда футболчини сотиб олишга ҳаракат қилмоқчи.
Аввалроқ Кунья "бўрилар" билан шартномасини 2029 йилгача узайтирганди.
Кунья жорий мавсумда "Вулверхэмптон" сафида Премьер-лигада 23 ўйин ўтказди. Уларда у 11 та гол урди ва 4 та голли узатмани амалга оширди.













