"Ливерпуль" бош мураббийи Арне Слот клуби қишки трансфер ойнасида нима учун трансфер амалга оширмаганини тушунтирди.
"Бизда жуда яхши таркиб борлигини кўп марта айтганман, чемпионат жадвалига назар ташласангиз, футболчилар уларга билдирилган ишончни оқлашига гувоҳ бўласиз.
Бизда узоқ муддатли жароҳатлар унчалик кўп эмас, Трент Александер-Арнольд бундан мустасно.
Бизда Алиссон, Диого Жота ва бошқалар йўқолганида жароҳат билан боғлиқ муаммолар бор эди, аммо ҳозирда Трентдан ташқари уларнинг барчаси яхши.
Шундай экан, трансфер бозорида қизиқарли имконият бўлмаса, бу жамоага ҳеч кимни қўшишга асос йўқ эди.
Биз бозорда бундай имкониятни ўтган сафар дарвозабон Мамардашвили билан шартнома имзолаганимизда кўрган эдик. Ҳозирча биз ўйинчиларни танлаганимиздан мамнунмиз", - деди Слот ТalkSPORT билан суҳбатда.
