Карло Анчелотти "Леганес"га қарши ўйин (3:2) асосий вақтда якунланганидан хурсанд.
"Биз қўшимча вақтдан қутулиб қолдик, бу бизга қимматга тушган бўларди. Шанба кунги дерби олдидан баъзи футболчиларга дам бердик, шунинг учун биз у ўйинга тайёр бўламиз.
Ёшларга шунчаки ўйин амалиёти бериш эмас, балки ғалаба қозонадиган жамоани майдонга туширдим. Бу йил ёш футболчиларда жароҳатлар туфайли имкониятлар пайдо бўлмоқда ва йигитлар буни яхши уддалашмоқда.
Ёш жамоамиз ривожланиб бормоқда. Унда ишлаётганлар яхши натижаларга эришмоқда, футболчилар тайёр ҳолда келмоқда, уларга фақат тажриба етишмаяпти," - деди "Реал" бош мураббийи.
