Karlo Anchelotti "Leganes"ga qarshi o‘yin (3:2) asosiy vaqtda yakunlanganidan xursand.
"Biz qo‘shimcha vaqtdan qutulib qoldik, bu bizga qimmatga tushgan bo‘lardi. Shanba kungi derbi oldidan ba’zi futbolchilarga dam berdik, shuning uchun biz u o‘yinga tayyor bo‘lamiz.
Yoshlarga shunchaki o‘yin amaliyoti berish emas, balki g‘alaba qozonadigan jamoani maydonga tushirdim. Bu yil yosh futbolchilarda jarohatlar tufayli imkoniyatlar paydo bo‘lmoqda va yigitlar buni yaxshi uddalashmoqda.
Yosh jamoamiz rivojlanib bormoqda. Unda ishlayotganlar yaxshi natijalarga erishmoqda, futbolchilar tayyor holda kelmoqda, ularga faqat tajriba yetishmayapti," - dedi "Real" bosh murabbiyi.
