"Ливерпуль" бош мураббийи Арне Слот Трент Александер-Арнольд, Муҳаммад Салоҳ ва Виржиль ван Дейкнинг шартномалари тугаши билан боғлиқ вазият ҳақида гапирди.

"Улар ҳали шартномаларини узайтиришмаган. Шундай экан, биз эҳтиёткор бўлишимиз ва содир бўлиши мумкин бўлган нарсаларга тайёр бўлишимиз кераклигини тушунамиз", - дейди мураббий.

Учала футболчининг ҳам шартномаси 2025 йилнинг июнида якунига етади ва клуб билан шартномани узайтириш борасидаги музокаралар ҳали ҳам давом этмоқда. Салоҳ аввалроқ "Ливерпул"да қолишни истаётганини таъкидлаган, бироқ у клубнинг янги шартнома борасидаги позициясидан хафа.