"Ювентус" ярим ҳимоячи Уэстон Маккенни билан шартномани узайтирмоқчи.
Жорий мавсумда “кекса синьора”нинг 26 ёшли футболчи билан янги шартнома имзолаш нияти борасида музокаралар бўлиб ўтган, бироқ ҳалигача шартнома имзоланмаган.
Инсайдер Николо Шкиранинг янгиланган маълумотларига кўра, "Ювентус" Маккенни билан музокараларни давом эттирмоқда. Келгуси ҳафталарда ҳамкорликнинг кейинги шартларини муҳокама қилиш учун янги учрашув бўлиб ўтади.
Маккеннининг Турин клуби билан амалдаги шартномаси 2026 йилнинг ёзида якунига етади. Америкалик ярим ҳимоячи жорий А Серияда 17 та ўйинда майдонга тушиб, 2 та гол ва 3 та голли узатмага муаллифлик қилган.
