"Yuventus" yarim himoyachi Ueston Makkenni bilan shartnomani uzaytirmoqchi.

Joriy mavsumda “keksa sinyora”ning 26 yoshli futbolchi bilan yangi shartnoma imzolash niyati borasida muzokaralar bo‘lib o‘tgan, biroq haligacha shartnoma imzolanmagan.

Insayder Nikolo Shkiraning yangilangan ma’lumotlariga ko‘ra, "Yuventus" Makkenni bilan muzokaralarni davom ettirmoqda. Kelgusi haftalarda hamkorlikning keyingi shartlarini muhokama qilish uchun yangi uchrashuv bo‘lib o‘tadi.

Makkennining Turin klubi bilan amaldagi shartnomasi 2026 yilning yozida yakuniga yetadi. Amerikalik yarim himoyachi joriy A Seriyada 17 ta o‘yinda maydonga tushib, 2 ta gol va 3 ta golli uzatmaga mualliflik qilgan.