"Андижон" жамоаси янги мавсум учун таркибини кучайтиришда давом этади.

Бугун клуб сафига словениялик 23 ёшли иқтидор эгаси Алтин Крезиу қўшилди ва у билан шартнома имзоланди.

Ярим ҳимоячи янги мавсумда "Андижон" шарафини ҳимоя қилади. Алтин "бургутлар"нинг Анталиядаги йиғинига қўшилди.

Маълумот учун, Алтин Крезиу 2002 йилнинг 3 январь куни таваллуд топган.

Футболчи шу пайтга қадар "Триглав" (Словения)", "Спал" (Италия), "Торино" (Италия), "Виртон" (Белгия), "Табор" (Словения), "Марибор" (Словения) ва "Лачи" (Албания) жамоаларида фаолият олиб борган.

Алтиннинг охирги клуби "Лачи" бўлиб, у ерда 50 та учрашувда майдонга тушган ва 1 та гол урган. Ҳозиргача эса фаолияти мобайнида 118 та учрашувда қатнашган.