Англиялик супер форвард яқинда Германия чемпионатида рекорд ўрнатди ва Бундеслигада ўзининг дастлабки 50 учрашувида 55 та гол урди.

Бироқ мюнхенликлар аллақачон келажак ҳақида ўйлашмоқда. Клуб аллақачон Кейнга ўринбосар изламоқда.

SPORT BILD хабарига кўра, клуб "РБ Лейпциг"дан 21 ёшли Бенжамин Шешко ва "Спортинг"дан 26 ёшли Виктор Дёкерешнинг номзодларини ўз ичида муҳокама қилган. Ҳар иккиси ҳам тахминан 70 миллион евро туради, лекин “Бавария”га юлдуз сифатида келган ва йилига 25 миллион евро маош оладиган Кейнникидан сезиларли даражада камроқ маош олади.

Жорий мавсумда 21 ёшли словениялик “РБ Лейпциг” сафида барча турнирлар доирасида 29 та ўйинда майдонга тушиб, 14 та гол ва 3 та голли узатмани амалга оширган бўлса, 26 ёшли швед футболчиси “Спортинг” сафида 34 та гол ва 7 та голли узатмага муаллифлик қилган.