Пайшанба куни "Реал"нинг собиқ ҳимоячиси Марсело футболчилик фаолиятини якунлаганини эълон қилди. Мадрид клуби бу ҳақда расмий сайтида хабар тарқатди. "Лос Бланкос" нафақат Марселонинг ютуқларини санаб ўтди, балки бразилияликга ҳам мурожаат қилди.
"Реал Мадрид" Марселога ўз миннатдорчилигини билдиради. Марсело "Реал" тарихининг бир қисми ва нафақат клубимиз, балки жаҳон футболининг энг буюк афсоналаридан бири. Марсело ва унинг бутун оиласига ҳаётнинг янги босқичида омад тилаймиз", - дейилади "Реал Мадрид" баёнотида.
Марсело 36 ёшида фаолиятини якунлади. Бразилиялик футболчи 2007 йилдан 2022 йилгача "Реал"да ўйнаган.
