Қишки трансфер ойнаси вақтида ҳужумчи Альваро Мората “Милан”ни “Галатасарой”га алмаштирди.
Испаниялик футболчи яқинда Туркия жамоаси сафида дебют қилди ва захирадан майдонга тушди.
Айни пайтда ижтимоий тармоқларда кулгили ва ҳатто ғалати видео пайдо бўлди. Унда “Галатасарой” шарфлари ва камералари билан жамоа футболчиларини кутиб турган бир гуруҳ мухлислар акс этган.
Бир пайт Мората пайдо бўлади ва... Футболчининг кимлигини ҳеч ким билмагандек у эътибордан четда қолиб кетди.
Мората бир неча метр юриб, бир гуруҳ мухлисларни айланиб ўтганида, расмий либосдаги бир киши у билан суратга тушишни сўради.
