Португалиялик собиқ футболчи Жозе Фонте "Ан-Наср" ҳужумчиси Криштиану Роналдунинг 1000 гол уришига ишонч билдирди. Ҳозирда 40 ёшли португалияликнинг фаолияти давомидаги голлари сони 923 тани ташкил этади.  

«Криштиану Роналду 1000 голлик маррани албатта забт этади. Агар у ўз олдига бирор мақсадни қўйса, уни албатта амалга оширади. У аллақачон жуда кўп нарсага эришган, ва агар 1000 гол урмаса, мен жуда ҳайрон қоламан. Балки у яна ҳам кўпроғини урса ажаб эмас.  

Унда ғалабаларга бўлган иштиёқ ҳали ҳам бор, ва эртами-кечми у 1000 голга етади – шунда бу ҳақда бутун дунё гапиради», – деди Португалия терма жамоасининг собиқ ҳимоячиси.