«Атлетико» ҳужумчиси Антуан Гризманн Ла Лигадаги ҳакамлик можаролари ҳақида ўз фикрини билдирди.

«Менимча, бу бемаъниликни тўхтатишимиз керак, чунки бу айнан шундай. Шов-шув кўтариладими ёки йўқ — бу журналистларга боғлиқ. Агар улар буни муҳокама қилмаса, клублар баёнот берса-ю, ҳеч ким бунга эътибор бермаса, ҳакамларга босим ҳам камаяди.

Ҳозир исталган ҳакам, исми ва тажрибасидан қатъи назар, ҳар қандай стадионга қўрққан ҳолда келади, чунки ҳар бир хатоси диққат марказида бўлади. Бу яхши эмас. Ҳакамлар ўйинга шундай руҳий ҳолатда тайёргарлик кўришлари тўғри эмас. Биз уларни тинч қўйишимиз керак. Улар майдонда бизга чидашади, лекин майдон ташқарисида ҳам шундай бўлиши керак эмас.

Бунинг учун ҳамма айбдор – клублар, президентлар, журналистлар... Ҳакамлар бу бемаъниликдан чарчаган», – деди Гризманн Movistar Plus’га берган интервьюсида.