"Арсенал" қайси форвард билан шартнома имзоламоқчи эканлиги маълум бўлди.
Daily Mail хабарига кўра, Лондон клуби келаси ёзда марказий ҳужум позицияси трансфери учун катта маблағ сарфлашга тайёр ва Александр Исакни "Ньюкасл"дан сотиб олиш энг "орзу қилинган" вариант.
"Қарғалар" швециялик футболчи учун 120 миллион фунт стерлингдан кўпроқ талаб қилишлари кутилмоқда. Нархлари юқори бўлишига қарамай, "канонирлар" ҳеч бўлмаганда Исакнинг трансфер бозорида мавжудлиги ҳақида маълумот сўрашади.
"РБ Лейпциг"дан Бенжамин Шешконинг трансфери янада реал вариант ҳисобланади. Томонлар январь ойида музокара ўтказган, бироқ немис клуби ёзгача форвардни сотмаслигини маълум қилган.
Исак жорий мавсумда Премьер-лигада 22 та ўйинда майдонга тушиб, 17 та гол урди ва 5 та голли узатмани амалга оширди. Шешко Бундеслиганинг 19 та ўйинида 8 та гол ва 2 та голли узатмага муаллифлик қилган.
