"Arsenal" qaysi forvard bilan shartnoma imzolamoqchi ekanligi ma’lum bo‘ldi.

Daily Mail xabariga ko‘ra, London klubi kelasi yozda markaziy hujum pozisiyasi transferi uchun katta mablag‘ sarflashga tayyor va Aleksandr Isakni "Nyukasl"dan sotib olish eng "orzu qilingan" variant.

"Qarg‘alar" shvesiyalik futbolchi uchun 120 million funt sterlingdan ko‘proq talab qilishlari kutilmoqda. Narxlari yuqori bo‘lishiga qaramay, "kanonirlar" hech bo‘lmaganda Isakning transfer bozorida mavjudligi haqida ma’lumot so‘rashadi.

"RB Leypsig"dan Benjamin Sheshkoning transferi yanada real variant hisoblanadi. Tomonlar yanvar oyida muzokara o‘tkazgan, biroq nemis klubi yozgacha forvardni sotmasligini ma’lum qilgan.

Isak joriy mavsumda Premyer-ligada 22 ta o‘yinda maydonga tushib, 17 ta gol urdi va 5 ta golli uzatmani amalga oshirdi. Sheshko Bundesliganing 19 ta o‘yinida 8 ta gol va 2 ta golli uzatmaga mualliflik qilgan.