"Манчестер Юнайтед" бош мураббийи Рубен Аморим нима учун Руд ван Нистелрой билан ишламасликка қарор қилганини тушунтирди.
Аморим келгунига қадар “қизил иблислар”ни вақтинча бошқарган нидерландиялик мураббий португалияликнинг ёрдамчиси сифатида қолишга тайёр эди.
Янги доимий менежер ван Нистелройнинг ёрдамидан воз кечишга қарор қилди, у узоқ вақт ишсиз қолмади - уни тез орада "Лестер"га чақиришди.
"Рудни олиб қолишим мумкин эди, чунки бу мен учун яхши бўларди, кўпчилик бу қарорни маъқуллаган бўларди.
Лекин нима бўлишидан қатъий назар уни мураббийлар штабидаги йигитлардан устун қўя олмадим", деди Аморим "Лестер" билан ўйин олдидан матбуот анжуманида.
