БАА миллий терма жамоаси шу йилнинг 1-12 октябрь кунлари Хитойда ўқув-машғулот йиғинини ўтказади. Ушбу йиғин 15 октябрь куни бўлиб ўтадиган Гонконгга қарши Осиё кубоги-2015 саралаш баҳси учун тайёргарлик вазифасини ўтайди.

Ҳозирги кунда БАА терма жамоаси "Е" саралаш гуруҳида 6 очко билан 1-ўринни эгаллаб турган бўлса, Гонконг эса 4 очко билан 2-ўринни банд этган. Ўзбекистон эса 1 очко билан 3-ўринда бормоқда, Вьетнам ҳисобида очко йўқ.

Маҳди Али бошчилигидаги терма жамоа Хитойдаги йиғин пайтида 2та ўртоқлик ўйини ўтказишни режалаштирган. Ҳозирнинг ўзида 4та жамоа — Индонезия, Филиппин, Таиланд ва Малайзия улар билан ўртоқлик учрашувига розилик билдирган. БАА футбол ассоциацияси улардан 2тасини танлаб олади.

Хитой йиғинидан олдин БАА терма жамоаси сентябрь ойида Саудияда ташкил этиладиган ўртоқлик турнирида иштирок этади. Унда мезбонлар ва БААдан ташқари Тринидад ва Тобаго ва Янги Зеландия терма жамоалари иштирок этишади.

БАА терма жамоаси бош мураббийи Али Маҳди ва жамоа менежери Мутриф аш-Шамсий Хитой ва Гонконгга ташриф буюриб, меҳмонхоналар ва машғулотлар майдонлари масаласини ҳал қилишди.

"Гонконгга қарши ўйин катта аҳамиятга эга. Биз ушбу ўйинда ғалаба қозонсак, гуруҳдаги ўримизни мустаҳкамлаб, муддатидан аввал Осиё кубоги-2015 йўлланмасини ҳал қилишимиз мумкин. Ёки шундан кейин бу масалани ҳал қилиш учун яна битта ғалаба кифоя қилади", дейди Али Маҳдий.