"Манчестер Сити" яна Премьер-лига билан судлашмоқчи.
2024 йил ёзи бошида "шаҳарликлар" ҳомийлар билан ишлаш қоидалари бўйича лигага қарши "мисли кўрилмаган" даъво аризаси – уни "кўпчиликнинг зулми" ва "камситиш"да айблагани маълум бўлди. Клуб муваффақиятга эришди, мустақил комиссия баъзи қоидаларни "ноқонуний" деб топди. Ноябрь ойида лига жамоаларининг аксарияти регламентга бир қатор тузатишлар киритиш учун овоз беришди.
The Times нашрининг ёзишича, "Манчестер Сити" бу натижадан қониқмаган ва яна судга мурожаат қилмоқда. Қайд этилишича, мамлакатнинг амалдаги чемпионлари Премьер-лигани мустақил комиссия ўз хулосаларини тўлиқ тушунтирмасдан олдин, лига ўзгартиришларни қабул қилишга "шошадиган" бўлса, суд жараёнлари давом этиши ҳақида огоҳлантирган.
Тушунтиришлар февраль ойида эълон қилиниши керак, аммо "шаҳарликлар" ҳозир ҳаракат қилишга қарор қилишди. "Манчестер Сити"нинг ҳуқуқ бўйича бош директори Саймон Клиффнинг айтишича, Премьер-лига трибунал қарорини нотўғри талқин қилган.
Клуб янги суд жараёнини талаб қилди. Суд жараёнини "Манчестер Сити"нинг 115 молиявий қонунбузарлик айбловларини ҳимоя қилувчи адвокат Дэвид Панник назорат қилиши керак.
The Times нашри Премьер-лига бош директори Ричард Мастерс клубларни "Манчестер Сити"нинг ҳаракатлари ҳақида хабардор қилган хатни кўрди.
"20 январь куни "Манчестер Сити" тегишли томонлар билан битимлар бўйича қоидаларга эътироз билдириш учун навбатдаги арбитраж ишини бошлади. Янги баҳс 2024 йил 22 ноябрдаги акциядорлар йиғилишида тасдиқланган тузатишлар билан боғлиқ. "Манчестер Сити" транзакцияларнинг амалдаги қоидаларини ноқонуний ва ҳақиқий эмас деб топишни талаб қилади", - дейилади ҳужжатда.
