"Барселона" Войцех Шесни билан шартномани узайтириши мумкин.
«Diario Sport» хабарига кўра, иккала томон ҳам ҳамкорликни яна бир мавсумда давом эттиришга тайёр. Якуний қарор баҳорда қабул қилинади, бунда польякнинг жорий мавсум охиригача кўрсатган кўрсаткичи ҳал қилувчи омил бўлади.
Дарвозабон жамоанинг кетма-кет сўнгги бешта ўйинини асосий таркибда бошлади. Қайд этилишича, Шеснининг ўзига бўлган ишончи ортиб бормоқда ва мавсумнинг ҳал қилувчи ўйинларида ўзини 100% кўрсатишни мақсад қилиб қўйган.
Шартнома бўйича қарор Иньяки Пеньянинг клубда қолиши ва Марк-Андре тер Штегеннинг қанчалик тез тикланишига ҳам боғлиқ бўлади.
Ўз навбатида, Шесни ва унинг оиласи Барселонадаги ҳаётга яхши мослашган. У Роберт Левандовски билан ҳам ажойиб муносабатда. Мавжуд омилларни ҳисобга олсак, футболчи тер Штегендан кейин иккинчи рақамга айланган тақдирда ҳам клубда қолишга тайёр.
