"Манчестер Сити" ҳимоячиси Рико Льюис Англия кубоги доирасидаги "Лейтон Ориент"га (2:1) қарши сафар ўйинидан кейин ўз фикрларини билдириб ўтди.

"Гвардиола ақлдан озгани йўқ [биринчи бўлимдаги 0:1 туфайли]. У бизда вазиятлар бўлишини ва ўйнашда давом этиш кераклигини биларди. "Лейтон Ориент"га тан бериш керак, улар бизга қийинчилик туғдиришди. Ахир "Манчестер Сити"да талаблар жуда юқори. Жамоада етакчилик қобилиятимиз етарли.

Мавсум биз хоҳлагандек ўтмаяпти. Энди ҳар бир ғалаба биз учун яхши туртки бўлиши мумкин. Мухлисларимиздан ташқари ҳамма бизни мағлуб бўлишимизни хоҳлайди. Бу қўшимча босимдир. Фикрларни бир жойга жамлашга тўғри келади," - деди Льюис.