"Манчестер Сити" бош мураббийи Хосеп Гвардиола Англия кубоги 4-раундидан ўрин олган "Лейтон Ориент"га (2:1) қарши иродали ғалабадан сўнг ўз фикрларини билдириб ўтди.
"Яхши ўйин ўтказдик. Бу Англия Кубогининг одатий ўйини эди. Рақиб кучли эканини, улар қанотлардан фаол фойдаланишларини билардик. Бу ҳақиқатан ҳам яхши жамоа. Аммо биз кўплаб вазиятлар яратдик. Кейинги босқичга чиққанимиздан хурсандман.
Биринчи бўлимда муаммоларни ҳис қилдимми? Бундай деб ўйламайман. Балки дастлабки 10-15 дақиқада шундай бўлгандир, аммо уларнинг фантастик голидан кейин ўйин тизгинини қўлга олдик ва кўплаб вазиятлар яратдик," - деди Гвардиола.
