Англия премьер лигаси расмий сайти Жозе Моуриньонинг 6 йиллик танаффусдан сўнг "Челси" бош мураббийлигига қайтганини эълон қилди.
Португалиялик мутахассиснинг "Реал"ни тарк этиши 20 май куни аниқ бўлганди. Мураббий "Челси"дан кетганидан буён Миланнинг "Интер" клубида Чемпионлар лигаси, икки марта Италия чемпионати, бир марта мамлакат кубоги ва икки марта суперкубогини қўлга киритди. Шундан сўнг "Реал"га келган Жозе "қироллик клуби"ни бир мартадан Испания чемпионати, кубоги ва суперкубогида ғолибга айлантирди.
Якунланган мавсумда "Челси" Рафаэль Бенитес қўл остида Премьер-лигада 3-ўринни қўлга киритди ва келаси йили Чемпионлар лигасида иштирок этадиган бўлди. Жамоа билан Европа лигасида ғолиб чиққан Бенитес эса "Наполи"га ўтмоқда.