Нидерландиялик собиқ футболчи Рональд де Бур "Барселона" ярим ҳимоячиси Педрининг ўйини ҳақида гапирди.
22 ёшли испаниялик футболчи Ла Лиганинг якшанба куни бўлиб ўтган "Севилья" устидан қозонилган ғалабада голли узатмани амалга оширди ва ўйин Ханс-Дитер Флик шогирдларининг 4:1 ҳисобидаги ғалабаси билан якунланди.
"Сиз "Барселона" мухлиси бўлмасангиз ҳам, Педрининг ўйини сизга ёқмаслиги мумкин эмас. Футбол янада жисмоний тус олди, аммо бундай ўйинчилар учун ҳар доим жой бўлади", - дея 1999 йилдан 2001 йилгача Каталония суперклубида ўйнаган де Бурнинг сўзларини келтиради Barca Universal.













