"Барселона" бош мураббийи Ханс-Дитер Флик марказий ҳимоячи Рональд Араухонинг жароҳати ҳақида фикр билдирди.
Уругвайлик футболчи якшанба куни бўлиб ўтган "Севилья"га қарши ўйинда (4:1) 22-дақиқада алмаштирилди. Дастлабки маълумотларга кўра, 25 ёшли марказий ҳимоячи тахминан уч ҳафтани ўтказиб юборади.
"Араухонинг аҳволи? Керакли текширувлар эртага бўлиб ўтади, кутишимиз керак. Умид қиламизки, жароҳат жиддий эмас", деди Флик ўйиндан кейин берган интервьюсида.













