"Барселона" ярим ҳимоячиси Педри клубдаги ҳозирги ҳолати ҳақида гапирди.

"Мунтазам ўйнаганим учун ўзимни жуда бахтли ҳис қиляпман. Мен узоқ вақтдан бери излаётган барқарорликни топдим. Асосий ўзгариш, айтганимдек, машғулот усулимда. Гап сарфлаган соатларим ёки сарфлаган кучларим эмас, балки иш услубим ҳақида", - деди Педри Barca Universal билан суҳбатда.

Жорий мавсумда 22 ёшли ярим ҳимоячи барча турнирларда 35 та ўйин ўтказиб, 4 та гол урди ва 6 та голли узатмани амалга оширди. 23-турдан кейин "Барселона" Испания чемпионатида 48 очко билан учинчи ўринда бормоқда. Пешқадам "Реал"дан атиги икки очко фарқи бор.