Андрей Аршавиннинг айтишича, Дастан Сатпаев "Челси"га эмас, "Зенит"га ўтиши мумкин эди.
Бугун Қозоғистоннинг "Қайрат" клуби 16 ёшли форвардни Лондон клубига сотиб юборгани маълум бўлди.
"Биз уни кузатиб туришимиз шарт эмас эди, у ўз ёшида академиямизда иккита турнирда ўйнади. У, шубҳасиз, яхши ҳужумчи. Унга "Челси"дек клуб қизиққанидан ҳайрон эмасман.
Ҳа, мен унинг "Зенит"га кўчиб ўтишини хоҳлардим, лекин у ўйнаган турнирлардан кейин эди. Кейин ўйинга борганимизда биздан қанча беришга тайёр эканимизни сўрашди. Ўшанда ҳам битим уч миллион атрофида баҳоланган", деди Аршавин.
