Мадриднинг “Реал” клуби вингери Родриго Гоэс Чемпионлар лигаси 1/16 финалида “Манчестер Сити”га қарши сафар ўйини ҳақидаги фикрлари билан ўртоқлашди.
"Сити"га қарши ўйнаш ҳар доимгидек қийин, аммо ўйлайманки, биз ўтган мавсумдаги каби менталитетга эга бўлишимиз керак. Бу ерда яхши натижага эришиш учун калит бўлади.
"Манчестер Сити"га келган деярли ҳар бир жамоа бироз қийналади. Мураббий бизга олдинда ўйнаганлар ҳимояланиш муҳимлигини айтди. Агар ҳимояда ўйнаганлар буни кўрса, бу бутун жамоага юқади", деди бразилиялик футболчи матбуот анжуманида.
Ўтган мавсумда "Реал" Чемпионлар лигасининг чорак финалида "Ман Сити"ни мағлуб этганди.
