"Арсенал" ярим ҳимоячиси Деклан Райс Sky Sports нашрига берган интервьюсида жамоадошлари унга "От" лақабини беришганини айтди.
"Бу ижобий нарса! Ҳаммаси Зинченко билан бошланди, кейин уни Жоржиньо олди, энди ҳамма мени шундай чақиради.
Ўйлайманки, мен кун бўйи югуришим мумкин, мен спорт билан шуғулланаман, яхши чидамлиман ва ҳар доим жамоага ёрдам беришга тайёрман. Ўйиндан икки кун ўтиб ҳам машғулотларга шошиляпман ва улар мени қандайдир ақлдан озган одам деб ўйлашади. Мен тахаллусга қарши эмасман, лекин энди мен бунга муносиб яшашим керак", дейди Райс.
Жорий мавсумда 26 ёшли Райс “Арсенал” сафида барча мусобақаларда 33 та ўйинда майдонга тушиб, 3 та гол урди ва 7 та голли узатмани амалга оширди.
