Ҳуқуқлари "Рома"га тегишли бўлган аргентиналик ҳужумчи Пауло Дибала фаолиятини Испания чемпионатида давом эттириши мумкин. Бу ҳақда Todofichajes портали журналистлари хабар бермоқда.
Манбанинг хабарига кўра, ҳужумчига ҳали ҳам "Атлетико Мадрид" қизиқиш билдирмоқда. Футболчи билан шартнома имзолашдан шахсан "матрасчилар" бош мураббийи Диего Симеоне қизиқмоқда.
Дибала ва Рим клуби ўртасидаги меҳнат шартномаси 2026 йилнинг ёзига қадар тузилган. Унинг шартномасида 12 миллион евро сотиб олиш банди бор.
А Сериянинг жорий мавсумида аргентиналик футболчи 21 та ўйин ўтказиб, 6 та гол урди ва 2 та голли узатмани амалга оширди.
