Мадриднинг “Реал” клуби вингери Родриго Гоэс Саудия Арабистони клублари унга қизиқиш билдираётгани ҳақидаги миш-мишларга изоҳ берди.

"Мен таклифлар ҳақида кўп нарса билмайман, менинг агентим бўлган отам билиши керак. Мадридда жуда бахтлиман. Мен жуда хурсандман ва бу ерда узоқ йиллар қолишни истайман ва клубдан миннатдорман. Клубда таклифлар бор ёки йўқлигини билмайман", - дея Родриго сўзларини келтиради Marca.

Жорий мавсумда Родриго барча турнирларда 31 та ўйин ўтказиб, 12 та гол урди ва 8 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар тузилган.