"Ливерпуль" жамоасининг январь ойидаги энг яхши футболчиси аниқланди. Совринни ҳужумчи Коди Гакпо қўлга киритди. Мухлислар овози бўйича у Муҳаммад Салоҳ ва Доминик Собослаини ортда қолдириб, биринчи бўлди. Мисрлик ва венгриялик мос равишда иккинчи ва учинчи ўринларни эгаллади.
Гакпо январь ойида "Ливерпуль"нинг олтита ўйинида майдонга тушди. Уларда нидерландиялик ҳужумчи тўртта гол урди ва жамоадоши учун битта голли узатмани амалга оширди.













