"Фенербахче" клуби бош мураббийи Жозе Моуриньо "Галатасарой" ҳужумчиси Мауро Икардининг танқидига жавоб қайтарди.  

Бундан аввал, «Фенербахче» мураббийи Португалияни қўл тўпи бўйича жаҳон чемпионати ярим финалига чиққани билан табриклаб, «Галатасарой» футболчиси Санчеснинг қўли билан ўйнагани акс этган суратни чиқарган эди. Бунга жавобан, Икарди «йиғлоқи» меми билан муносабат билдирди. Бу мем португалиялик мураббийнинг «The Special One» («Махсус») лақабига ишора қилиб, шунингдек, «Фенербахче» футболчиларининг ўйиндаги қоидабузарликларини акс эттирган кадрларни ўз ичига олган эди.  

«Мен ишонч билан айта оламанки, мен ҳақиқатан ҳам "ўзгача"ман, лекин "The Special One" эмас. Бу 25 йиллик фаолиятим ва 26 та ютуқларим туфайли, бирорта ўйин туфайли эмас. Менинг бутун фаолиятимни аниқлаб берадиган ягона ўйин йўқ. Мен 25 йилдан бери мураббийлик қиляпман.  

Икардининг фикрлари ёки постларига келсак, у GOAT (тарихдаги энг буюк футболчи – Sports). Мен буюк инсоннинг сўзларини изоҳлашдан бош тортаман. У жуда буюк, мен бу ҳақда гапирмайман», – деди Моуриньо «Галатасарой» ҳужумчисига жавобан.