"Наполи" вингери Давид Нерес жароҳати сабаб бир ойдан кўпроқ вақт давомида майдонга туша олмайди.
Бразилиялик футболчи ўтган якшанба куни А Серия доирасида "Удинезе"га қарши ўйинда (1:1) жароҳат олганди. "Наполи" сешанба куни Нересга чап сон мушаклари жароҳати ташхиси қўйилганини эълон қилди.
Sky Sport хабарига кўра, Нерес 40 кун майдонга туша олмайди. Қанот футболчиси "Наполи"нинг "Лацио", "Комо", "Интер" ва "Фиорентина"га қарши ўйинларини ўтказиб юбориши кутилмоқда.