Европа футболида Чемпионлар лигаси плей-офф босқичи ўйинлари бўлиб ўтмоқда, “Милан” Роттердамга йўл олди ва у ерда “Фейеноорд”га 0:1 ҳисобида имкониятни бой берди.
Учрашувдаги воқеаларни "Милан"нинг янги ўйинчиси, тажрибали Кайл Уокер изоҳлади.
"Улар эрта гол уришди, бизда эса рақиб дарвозаси олдида қатъият етишмади. Ғалаба қозониш учун гол уриш керак, энди фақат биргаликда ишлаш ва жамоа бўлиб олдинга интилиш қолди. Бизда сифат бор, кучли томонларимизни ривожлантиришимиз керак. Мен бу жамоага ёрдам беришни хоҳлайман, биз бирга ишлашимиз керак", - дея Уокернинг сўзларини келтиради pianetamilan.it.
Жавоб ўйини бир ҳафтадан сўнг Италияда бўлиб ўтади.
