Чоршанба кунги дербида “Эвертон” ва “Ливерпул” 2:2 ҳисобида дуранг ўйнади.
Ўйиндан сўнг “қизиллар” сардори Виржил ван Дейк ўз фикрларини билдириб ўтди.
“Бу дерби ҳар доим кескин ўтади. Кўп жанглар бўлади. Охирги сонияларда гол ўтказиб юбориш уят, лекин бугун шундай бўлди.
Қабул қилиш осон эмас, айниқса ҳаммаси қандай содир бўлганини ҳисобга олсак, лекин сиз буни қабул қилишингиз ва давом этишингиз керак.
Ўйлайманки, ҳакам бу ўйинда маълум қўполликлар бўйича катта роль ўйнади. Ўтказиб юборган голимиздан ҳафсаламиз пир бўлди.
"Эвертон" учун бу худди кубок финалига ўхшарди, улар бизга қийинчилик туғдириш учун ҳамма нарсани синаб кўришди.
Бу улар учун катта плюс, лекин биз учун катта зарба", деди ван Дейк.
