Ҳужумчи Родриго "Реал" сафида юқори савиядаги ўйин намойиш этмоқда. Шунга қарамай, миш-мишлар бразилиялик футболчини клубини ўзгартириш билан боғлаб туради. Transfer News Live нашрининг журналист Хорхе Пиконга таяниб хабар беришича, Родригога қизиқиш "Манчестер Сити"да сақланиб қолмоқда. Аввалроқ матбуотда Хосеп Гвардиола Родригони жамоада кўришни истаётгани ҳақида хабарлар тарқалганди.
Шу билан бирга, қайд этилишича, 24 ёшли Родриго "Манчестер Юнайтед" радарида ҳам бўлиб турибди.
Нуфузли Transfermarkt портали мутахассислари Родригони 100 миллион еврога баҳоламоқда. Ҳужумчининг Мадриддаги амалдаги шартномаси 2028 йилнинг ярмигача мўлжалланган.













