ЦСКА ва Ўзбекистон терма жамоаси ҳужумкор ярим ҳимоячиси Аббосбек Файзуллаев яна бир ҳамюртимиз, ҳимоячи Абдуқодир Ҳусановнинг "Манчестер Сити"га ўтиши ҳақида фикр билдирди.

"Биз Ҳусанов билан унинг "Манчестер Сити"га ўтишидан олдин гаплашганмиз. Бу трансфер бутун Ўзбекистон футболи, бутун халқимиз учун катта воқеа бўлди. Дунёнинг энг яхши жамоаларидан бири бўлган "Ман Сити"да ўйнаш жуда катта иш. Биз ҳаммамиз Абдуқодир билан фахрланамиз. У "Сити" сафида гол урган ўйинни томоша қилдим. Бутун Ўзбекистон унинг учун қайғурмоқда ва энди "Манчестер Сити"нинг мухлислари аниқ кўпайди (кулади)," - деди Файзуллаев.