Германия терма жамоасининг собиқ дарвозабони Оливер Кан ҳамон "Бордо" футбол клубини сотиб олиш истагида, деб хабар беради RMC Sport. Бир неча ҳафта олдин бошланган музокаралар турли даражаларда давом этмоқда.
Шунингдек, 55 ёшли германиялик футболчи стадионни бошқариш масалалари бўйича шаҳар маъмурияти ва тижорий суд билан боғланиб, клубнинг молиявий ҳолатини ўрганган. Яқин ҳафталарда тақдим этиладиган "Бордо" қарзини реструктуризация қилиш режаси сотув жараёнини илгари суришда муҳим аҳамиятга эга бўлади.
Мюнхеннинг "Бавария" клуби собиқ дарвозабонига француз футболига сармоя киритиш истагида "Марсель"нинг собиқ президенти Жак-Анри Эйро ёрдам бермоқда.
Ўтган йилнинг ёзида "Бордо" молиявий муаммолар туфайли мамлакатнинг 4-дивизионига туширилганди. 18-турдан сўнг жамоа турнир жадвалида 1-ўринни эгаллаб турибди ва юқори даражага кўтарилиш учун курашмоқда.
