Мэйсон Гринвуд иккинчи марта ота бўлди.
The Sun хабарига кўра, "Марсель" вингерининг турмуш ўртоғи Харриет Робсон иккинчи қиз фарзандни дунёга келтирди. 2023 йил июль ойида уларнинг қизи Саммер дунёга келганди.
2022 йилда зўравонлик ва Робсонни зўрлашга уриниш айблови туфайли футболчи "Манчестер Юнайтед" томонидан четлатилган ва ҳибсга олинган, шундан сўнг гаров эвазига қўйиб юборилган. Охир-оқибат, айбловлар олиб ташланди. Гринвуд 2023 йилнинг сентябригача майдонга тушмади.
Англиялик футболчи жорий мавсум Лига 1да 21 та ўйинда майдонга тушиб, 13 та гол урди ва 3 та голга ассистентлик қилди.
